Lura_Maria de Lurdes Pina Assunção



Lura nasi na 1975 na  Lisboa, Portugal,  sedu é komesana mundo artistiku ku participason na Projetus teatral e koral, mas na 1996 kantu é lança sê primeru CD ki é dal nomi di NhaVida,ki mundu passa ta konxel, músika fazi txeu susessu e ki fazel meresi um koviti pa participa na um projectu diskográfiku  Red hot + lisbon ki tambe ta kontaba ku varius otus artistas lusófonas.


Na 1998, é acompanha Cesária Évora (a diva dos pés descalços) na importantis projectos: é Abril palku pa Expo´98  y é participa na série di konsertus “Cesaria & Friends”.

Na 2002 Lura lansa sê segundu CD_In Love, e na Novembro di ano siguinti é foi um di kês 3 mudjer kabu verdiana konvidadu a participa na projetu Women of Cape Verde ki foi um série de konsertus rializadu na Reino Unido.


Na 2005 Lura lansa di korpu ku Alma, trabadju ki bem ku susessus sima Na Ri Na, Vazulina, Tó Martins, Raboita Rubon Manel y otus susessu. CD de 9 faixa y ki konta ku 4 composison di Orlando Pantera (Batuku, Na Ri Na, vazulina e Raboita Rubon Manel).


As-Água
Tchiga mês di Junho djentsbasade dent d’horta
Ta koba kóba midju pa simia dipôs
Kês kê más lascadu o’ki kaba koba
Ta fica dentru d’horta pa simia impó

Mininus di escola dja volta di féria
Ês ka sta bem discansa ês tem ki bá trabadja
Simiadu em pó ês tem ki bá horta
Tadja galinha mátu pa ka kumé midju

Tchiga mês di Agosto tchuba bem tchobê
Djents torna volta horta pa fazê simentera
Dipôs di simentera midjo bem nascê
Mininus dentu d’horta ta tadja pardal

Começado monda djents tud’animade
Ta spera um coba d’águ pa As-Água da
sol kenti sta tchêu céu sta raganhádu
Planta sta seca tchuba fica ka bem

Lamentu guentis grandi
Ta spera um coba d’agu
by: Tibau Tavares                

Novembru di 2006 na um di kes sala di referencia di Portugal “Tivoli” Lura apresenta mundu sê  triceru trabadju M´bem di Fora. Trabadju ki teve grandi distaki na kabu verde e na restu di mundu ku turnê da na Turquia, Alemanha, França, Brasil, Espanha, Austrália e Itália. Projectu ki segundu Kantora foi um homenagem a tudu kês ki sai di fora pa bai djobi um vida midjor na sentrus urbanus y ki teve kolaborason di Varius Kompositires Kabu verdianu sima Tibau Tavares y Toy Vieira.









ECLIPSE txiga na 2009 y mas um bez Lura Mostra sê raiz finkadu na kultura, trabadju konta ku participason di varius kompusitores di kabo verde sima René Cabral, Mario Lucio, Teofilo Chantre, Orlando Pantera entre outrus. Eclipse, musika ki da nomi a CD foi um kompuzison di B.Leza.


Vazulina
Zoi manxi sedu ku n`ganha na mon
Ta grabata na meiu di manduxu
Si ca staba ninhum tistonzinhu
Pe bistiba bazofu
Pe po rostu pa Praia
Djobi rapariguinha

Zoi, ki minina di Praia satadja
Toma-l si dez tuston kruzado
Ke teneba na si sakutelu
Pa ba disfrisaba kabelo
Ku penti di ferro kenti
Ku vazulina
Ku penti di ferro kenti
Ku vazulina
(Música e letra: Orlando Pantera)

Ultimu trabadu di Lura foi sê  Best of  ki tem um durason di quase 70 min di musika sabi undi sta kês grandis susessus sima Na Ri Na, Ponciana e otus, ma tambe trazi mas dois musika ineditu (Moda Bô ki foi um duetu ku Cesaria Évora y Amor é tão sabe)











About Unknown

0 comentários:

Enviar um comentário

Com tecnologia do Blogger.