Lúcio Matias de Sousa Mendes

Lúcio Matias de Sousa Mendes, mas konxedu pa Mario Lucio naci na Tarrafal di Santiago, Kabu verdi dia 21 de otubru di 1964. Ku 12 anu di idade é perdi sê Pai.dipos di orfon é foi adotadu komu Pupilu di Forsas Armadas y é passa ta vivi na quartel, la na kampu di kosentrason di Tarrafal “kampu di morte lentu”. É komesa studa liceu na Tarrafal ma dipos é consigui bolsa di studu y é bai kontinua sê sikundariu na liceu di Sidad da Praia. Dipos di termina ensinu sikundariu komu um alunu brilhanti y txeu di talentu na varius ramus “Jornalismu, Atividadi kultural e musika” é ganha um bolsa di studa di governu Cubano pe bai studa Direito na Universidadi di Havana. Na 1990 é termina sê lisensiatura y é volta pa se terra y é trabadja komu Advogadu indipendenti, é foi asesor di Ministru di cultura na 92 na 96 é foi deputado di parlamentu kargu ki é tevi té 2006.

Kenha ki ka ta lembra di Grupu simentera! Grupu ki marka kabu verdi na qualidadi y diversidade di musikas ki bem na munti stilu y voz. Mario Lucio foi fundador des grupo e líder di SIMENTERA.

Mario Lucio além di Advogado e kantor é tambe pintor, scultor, Multi-stromentista, kompusitor, scritor e actualmente Ministro di Kultura di Kabu Verdi. Dje foi pa prisidenti di republika kondikoradu y um di kes é “Ordem do Vulção” sendu el artista kabu verdianu mas nobu a resebi es kondikorason, é passa pa statutu di Diplomata na 2002 kantu é foi consideradu Imbaixador di kultura di Kabu Verdi. També é fundador e director di Asosiason kultural QUINTAL DA MUSICA (um sentru kultural Privadu qui ta valoriza y demostra talentu di artistas di terra principalmente na vertenti tradisional ).
djé atua na munti palku di mundu sima China, Portugal, Suiça, Finlandia y mas y mas….

Na 2006 é grava sê promeru disku a solo ki é da nomi “Mar e Luz” y ki tevi partcipason di varius artistas internacional di renomi sima Gilberto Gil, Luis Represas mas tambe djuntu ku artistas di terra sima Mayra Andrade mas um ikune di musika di nos terra. Logo na 2007 é volta a grava um novu CD au vivu ki é da nomi “AO VIVO E AOS OUTROS” ki foi gravadu na Portugal, Aveiro. Sê triseru trabadju bem ku nomi “BADYU” y sê mas recenti tem komu nomi nos rasa, “KREOL” ki foi gravadu na 7 pais di mundu, ku participason di muntis artistas, komesandu pa Afrika pasandu pa Brasil, Cuba… sime el mé é fla (Pisei três continentes, dormi em sete países, trabalhei em dez cidades, percorri 92.482 kms de avião, sem contar as viagens de barco, as aventuras de carro e as travessias em piroga. Mais de Seiscentas horas de estúdio passaram entre 06 de Maio de 2009 e 16 de Maio de 2010) portanto prova di kes tempu y didikason sta na KREOL ki nta fla ku tudu serteza pamodi Bali Pena pamodi Kreol y um trabadju ki sta na mercado y mostra qualidade y é di salienta ma é foi um di kês disku mas bendedu na europa na kantu é foi nansadu.

Komu scritor Mario Lucio tem um vastu obra na merkadu ki ta bai desdi “Nascimento de Um Mundo (poesia, 1990); Sob os Signos da Luz (poesia, 1992), Para Nunca Mais Falarmos de Amor (poesia, 1999), Os Trinta Dias do Homem mais Pobre do Mundo (Ficção, 2000 – prémio do Fundo Bibliográfico da Língua Portuguesa, 1ª edição) entri otus, sê mas recenti livru txoma “O Novíssimo Testamento” y é ta konta história di resurreison de Jesus na korpo di um mudjer negra na Kabo Verde duranti kolonizason. Livru aliás ki é fazi kiston di ka po um pontu final pelu factu di segundu é fla “ka tem pontu final na narrason oral”.

Mar di Tarrafal

"Fonte de agua

Boca de espuma

Ronco acordado
Ferbura frio
Corpo esculpido
Ancas de moças
Ossos de bedjos
Paraiso vira-latas

Mar di Tarrafal

Ceu di palbessa

Voo rastero
Renda branca
Saiona azul
Spanto de menino
Concha de quidja
Modjado eterno
Paraíso vira-lata

Mar di Tarrafal

Conforme maré
Conforme maré

musika foi kantadu na CD Kreol pa Mario Lucio e Miton Nascimento (Brasileiro)