Sta 22:07 e n´resolvi screvi, komu nes izatu mumentu nsta obi musika di BoB ki txoma Amigo Eternu “sê tributu a nos Grande Orlando Pantera ki pa el foi y é um alguém special”. "Pantera pa mi é um strela ki ta sta na tudu noti ka n´posta tempu y é um sol ki ta sta djunt ku nos dia-a-dia ka n´porta stason dia anu..." nton n´pensa porque não fala um poku di BoB “Silvestre Mascarenhas” ! ma dentu mi nfla fala kuze?
Nsta konfesa nhos, Silvestre Mascarenhas pa mi é um revelason na nos musika ki nunca n´ka obiba ta faladu na el, nka sabi fla si é pelo facto di é ta sta na sidadi di Somada e mi na ilha do Maio ó nton pmd é ka tinha mostradu sê trabadju, mas prontu ami primeru bez ki n´obi voz y stilu foi através di um vidiu di Festival Vis-a-Vis y nta fla ma dexan surprendidu, nau só pa se voz mas tambe pa facto di el é ter trabadju finkadu riba raiz e stendedu na bandera di nos tradison.
Kantu n´resebe nutisia di parte di nha grande amigu y Armon Txanduka di Lola ma RAPACINHU LANTUNA dja staba di benda nha maior priokupason era kumpra pam obiba pmd nka sabia txeu sobre Bob ma n´staba ku speransa ma era um bom trabadju y nta afirma ku tud serteza pamodi surpreendem y sta surpriendem a kada vez ki n´komesa obi sis musikas.
N´podia sta fazeba publicidade di sê trabadju mas nka sta fazel simplesmente nsta konta nhos kual foi nha interason ku “Rapacinhu Lantuna”. Ami é visiadu na musika di Kabu Verde e na quel albun li tambe, independente di faixas, ma faixa numeru 10: Amigo Eterno tran laguas di odju quel nten ki konfessa. Kel forma doce ki Bob fala di Pantera dexan inkantadu e perplexu ku grandeza di amor di Bob pa ku Pantera e mostra grandiozidadi di sês Amizadi.
Prontu sima n´fla nka sabi txeu Sobre BoB ma di quel poku ki n´konsigui tra di sê trabadju nta tenta afirma (sem nenhum serteza pois nka txiga di pergunta ninguém sobre verasidad di quês factos li) sê nomi alen di Bob é Silvestre Mascarenhas, data di nascimentu nka sabi ma el é la di Kadjeta San Miguel “informason ki é dexa na si musika Fidju kadjeta ki é faixa nº 6” undi qué ta fala di sê origem:
“…djan pensa na ba nha rubera
djan odja kaminhu ki n´ata sigui
arku d´abedja ta kumpanhan
ta mostran Kadjeta…”
Musika sabi dimas inda mas ami ki tambe é di KADJETA (di Maio) y nsta longi kasa, ta duem quel sodade ma obi musika li ta ninan mesmu ku lagua na odju.
 |
| BoB_Silvestre Mascarenhas |
Bob gosi é di Somada, Sidadi ki sime é fla tambe na um di sês musikas des trabadju li ma adotal y qui ta inspiral…
“…somada bu tem bus fidjus pa bu kria
somada bu tem bus fidju pa bu da kumi
ami djam kebi na sês meio
djam mora li pan ser dibo
dja bu panhan dja bu fazem bu fidju somada
dja bu inxinan anda na bu Kultura
na bu regase djan prendi toka kanta e screbi bu alma…”
somada bu tem bus fidju pa bu da kumi
ami djam kebi na sês meio
djam mora li pan ser dibo
dja bu panhan dja bu fazem bu fidju somada
dja bu inxinan anda na bu Kultura
na bu regase djan prendi toka kanta e screbi bu alma…”
Bob fla pamode é sta sigui passus di Nos Grandi Pantera y é mesmu verdade, sê stilu, alegria y tristeza na sê kompoi kuzas di dia-a-dia na mostra kuza ké ta xinti.
Ao longu di sê trabadju é fala na pessoas sima Nha Nacia Gomi, Sema Lopi, Bibinha Kabral, Nha Mita Prera, Nha Minininha, Orlando Pantera entri otus nomi di finason y batuku di interior di santiagu.
Prova di ki BoB ta bebi na bom fonti y tem mutu mas pa danos nes karera ki sta komesa mostra sucessu
.
Inda nka tevi privilegiu di odjal na palku, ma tambe inda tem tempu uma vez ki mi nsta fora di Kabu Verdi e ta torna mas difícil ma ntene fé ma inda antes di fim di 2011 nta podi aplaudil em pé na um spetakulo di Bob.
É di salienta tambe ma é tevi um roupagem diferent ku intrudison di Bombersus Sabi por Parti di um figura bem konxedu na kultura di Kabu verdi GIL MORREIRA. Voz di NEMO PETCHA ka passan despersebedu.
Obigadu pa um trabadju bem fetu e txeiu di vida y di sentimentu...
Obigadu pa um trabadju bem fetu e txeiu di vida y di sentimentu...
forsa fidjo de kadjeta
ResponderEliminar