Kantor Berdianu Princezito sta ba representa kabu verdi na 15ª
edison di festival di Lusofonia ku ta kontise na Macau apartir di oji sabado.
13 de outubru y ki ta bai di dia 21 des mez. Festival é aluzivu a kria mas
interkambiu entre China e paizes Lusófonos.
Instigador, kompuzitor, muziku e Poeta Princezito konkista Kabu Verdi e
mundu ku sê forma diferente di spoi se forma di odja realidade di nos téra, ku
kompuzisons ki ta retrata vida di interior, sodadi di kem ki sta vivi fora y
problematikas social sem skesi di lua, Princezito dja foi kantadu na voz di
artistas di renomi sima Mayra Andrade, Lura ou ainda Nanci Vieira.
Princezito dja participa na munti projetus, sima Praia Dakar, e tambe na álbuns
de colegas di musika di téa sima Mario Lúcio, Edson Dany ou Tó Alves.
Sê primeru e uniku trabadju a solu ate mumentu é Spiga, álbum és ki korri
mundu mostrandu um novu fluênti di nos
muzika.
Kantor abrasa resentiment um novu projetu, Altu Kutelo é mas novu
programa di Radio Nacional en ki Princezito é apresentador, programa ki ta sta
No Ar Tudu Tersa fera ta lebanu na um viaji tranquilu a diversus temas e sempre
ku um konvidadu e ku txeu garganhada y diskontrason.
Altu Kutelu, mornu na veron e fresku na invernu ka ta trata di problematikas
serias y ku burókrasia mas sim di temas simples di nos kotidianu ku um
linguajen ki ta txiga na tudu altu kutelu y tudu kobon ku ladera des mundu li através
di rtc.cv.
0 comentários:
Enviar um comentário