Tradison Di Terra - Lansamentu di "Nôs Bandêra"

Nês natal li diskulpa di prizenti ka tem y fika na kasa pamodi falta kau bai tambe dja kaba pa bo ki sta na sidad kapital óu ki ta ba sta na dias di festa di Natal.

Tradison di Terra, mensajeru di nos kultura, mas um grupu finkadu na raiz sta lansa sês mas recenti trabadju NÔS BANDÊRA.

Grupu ki surji na 2003 pa um grupu di vizinhas na zona di Tira-Txapeu tem stadu ta mostra sês talentu dentu y fora di pais, djes partisipa na komemorason di 40 anu di indipendensia di Argélia na 2009 y tambe na festival di arti negra (FESMAN) na Senegal um anu dipos, sem falandu na inumerus atuason na Quinta da Musika, na sês participason na DVD di 10 anu finkadu na riaz di Grupu Ferro Gaita
Dipos di 8 anu di kaminhada ku panu maradu na sentura y batuku na kurason Tradison di Terra sta rializa mas um sonhu, durant serka di 2 anu di trabadju na gravason di audio e vidiu dja txiga ora di lansa NOS BANDERA.
CD/DVD ta konta ku 10 faixa muzikal y 8 vidioklip pruduzudi pa Iduíno di Ferro Gaita.

lansamentu di sês trabadju ta kontisi dia 25 de dizembru na Rua 5 di julho na Platô por volta di 7 ora di noiti.
Rua 5 de Julho, Praia
"Tradison di Terra kre ki mundu transforma na sês terreru, tambe és kre ser mensagerus di kultura di kabu verdi dentu y fora di sês terra..."